Vatikan, 27 prill -  Kryeministri i Republikës së Kosovës Hashim Thaçi, ka deklaruar se përkrahja e Papa Gjon Palit të II për çlirimin e Kosovës më 1999 dhe bekimi i popullit të Kosovës nuk harrohen.

"Sot jam në Selinë e Shenjtë, në delegacion me Presidenten Jahjaga, Ministren Çitaku dhe deputeten Justina Pula, në ceremoninë e kanonizimit të dy Papave. Papa Gjon Pali II ka qenë mik i madh i shqiptarëve dhe Kosovës. Përkrahja e tij për çlirimin e Kosovës më 1999 dhe bekimi i popullit të Kosovës nuk harrohen", ka shkruar Thaçi në Facebook.