Beograd, 6 mars - Sipas gazetës serbe Kurir, kryeministri Thaçi gjatë bisedimeve të vështira me homologun e tij serb, është ‘relaksuar’ duke e shikuar përkthyesen e Daçiqit, Tijana Vasilijeviq Damjanoviq.

Madje, kjo gazetë shkon edhe më tutje duke e titulluar shkrimin: “Thaçi dashurohet me përkthyesen e Daçiçit” - ndërsa si dëshmi për këtë ka ofruar disa foto nga takimi ‘i relaksuar’ në zyrën e përfaqësueses për politikë të jashtme dhe siguri të BE-së, Catherine Ashton, që duket sikur ‘nuk e mbështesin shumë këtë tregim’.

Sipas kësaj gazete, Thaçi në takimin katërorësh, gjatë gjithë kohës ‘ka shikuar përkthyesen e Daçiçit, e cila rrinte ulur fare pranë kryeministrit serb”.

“Ndërisa kryeministri serb gjatë gjithë kohës kishte qenë i fokusuar në temë, Thaçi vëmendjen e kishte te bashkëpunëtorja e Daçiçit, dhe gjatë gjithë kohës buzëqeshte”, shkruan kjo gazetë.