Santiago, 27 shkurt - Kili është tronditur nga një tërmet i rëndë. Sipas të dhënave të qendrës amerikane për vëzhgimin e tërmeteve, ai ishte i fuqisë 8,8 ballë.

Epiqendra e tij ndodhej në brendësi të vendit, rreth 90 kilometra në verilindje të qytetit Conception, dhe në thellësi 55 kilometra.

Atje u lëkundën ndërtesat, disa u rrëzuan. Për Kilin dhe Perunë u lëshua një paralajmërim për cunami, për Ekuadorin një vëzhgim cunami.

Sipas raporteve të para të korrespondentëve, në kryeqytetin kilian Santiago u lëkundën ndërtesa dhe u ndërpre rryma elektrike. Deri tani nuk janë bërë të njohura dëme të tjera ose të plagosur.

Edhe shërbimi meteorologjik japonez paralajmëroi për mundësinë e një cunami në Paqësor. Një tërmet i fuqisë 7 ballë para brigjeve të Japonisë kishte shkaktuar më parë valë ende të ulta në bregdetin e ishullit Okinava.