Prishtinë, 27 nëntor - Rundi i ri i bisedimeve mes Republikës së Kosovës e asaj të Serbisë pritet të mbahet të mërkurën.

Sipas mediave serbe, në rend dite do te jenë bashkëpunimi rajonal dhe zbatimi i marrëveshjeve të arritura ku nga rezultatet e tyre varet statusi i Serbisë.
 
Po ashtu, në tryezë pritet të jetë edhe tema e menaxhimit të integruar të kufijve.

Mediat serbe njoftojnë për pritjet e Brukselit për një përparim më të madh në dialog, në mënyrë që të ketë gjasa për Serbinë që në dhjetor të marrë statusin e vendit kandidat për BE.

Sipas burimeve te gazetës Novosti, vendet anëtare, përfshirë edhe Gjermaninë, janë te gatshme për atë status, por me kusht që nga takimi i radhës të vijnë “lajme që do të ishin të kënaqshme”, pa specifikuar për se bëhet fjalë saktësisht.