Beograd, 25 gusht - "Serbia do të vazhdojë dialogun me Prishtinën, ndërsa problemet në mes të dy palëve "nuk mund të zgjidhen përmes veprimeve të njëanshme".

Kështu deklaroi presidenti serb, Boris Tadiç gjatë fjalës së tij në Asamblenë e Përgjithshme të Kombeve të Bashkuara, ndërsa u bëri thirrje mekanizmave ndërkombëtarë në Kosovë që të veprojnë në përputhje me mandatin e tyre.

Sipas presidentit serb KFOR-i dhe EULEX-i të përmbushin tërësisht rregullat e Kombeve të Bashkuara për neutralitetin ndaj statusit, në përputhje me mandatet e tyre nën rezolutën 1244 të Këshillit të Sigurimit.