Beograd, 27 maj - Presidenti i Serbisë, Boris Tadiç ka deklaruar se askush nuk ka të drejtë të pengojë hyrjen e qytetarëve serbe në Kosovë.

Duke reaguar pas masës së marrë nga EULEX ndaj vizitave të paparalajmëruara, Tadiç ka theksuar se autoritetet serbe do të bisedojnë për këtë me të gjitha organizatat ndërkombëtare në Kosovë.

“Serbia është ballafaquar me sfida reale në Kosovë, por ne do të vazhdojmë luftën tonë me të gjitha mjetet ligjore në institucionet ndërkombëtare dhe nuk do të zmbrapsemi asnjë cast”, ka pohuar Tadiç.

Reagimi i presidentit serb erdhi pasi dje EULEX njoftoi se nuk do të lejojë vizitat e paparalajmëruara të autoriteteve serbe në Kosovë.