Bratislavë, 4 maj - Sllovakia hedh poshtë lajmet që aludojnë për një plan të kryediplomatit të saj Miroslav Lajcak, për vendosjen e marrëdhënieve mes Serbisë dhe Kosovës.

“Ministri Lajcak distancohet nga ajo që është shkruar në të përditshmen ‘Dnevnik’. Përgjigjet e tij në intervistën për këtë gazetë janë keqinterpretuar”, thuhet në një komunikatë të Ministrisë së Jashtme sllovake.

Gazeta “Dnevnik” kishte raportuar se Lajcak kishte hartuar një plan për zgjidhjen e çështjeve teknike ndërmjet Kosovës dhe Serbisë, dhe se më 10 maj do ta prezantonte atë para ministrave të BE-së.