New York, 20 shkurt - Seanca e Këshillit të Sigurimit të Kombeve të Bashkuara për Kosovën, e cila është dashur të mbahet më 22 shkurt, është shtyrë për muajin mars, raportojnë mediat në Beograd.

Sipas burimeve të njëjta, data e re e takimit nuk është bërë publike, ndërsa \"vendimin për të do ta sjellë delegacioni rus, i cili merr kryesimin e KS-së, në konsultim me anëtaret e tjera të këtij organi\".

Sekretari i përgjithshëm i Kombeve të Bashkuara, Ban Ki-moon, në raportin e tij tremujor për Kosovën ka thënë se në këtë periudhë janë bërë \"hapa të rëndësishëm përpara\" me ngritjen në nivel politik të dialogut midis Prishtinës dhe Beogradit.