29 Mars 2024

SHBA mbështet Gjykatën për ish-Jugosllavinë

Washington, 26 shkurt - Shtetet e Bashkuara kanë përsëritur mbështetjen për Gjykatën Ndërkombëtare për ish-Jugosllavinë, pasi kjo e fundit ka shpallur fajtor ish-zyrtarin e lartë të policisë serbe për krime lufte.

"Ne përgëzojmë përfaqësuesit dhe stafin e Gjykatës për punën e vazhdueshme të tyre, për të sjellë autorët e mizorive para drejtësisë", ka thënë zëdhënësi i Departamentit të Shtetit, Filip Krouli.

"Shtetet e Bashkuara mbështesin fuqishëm hetimet e Tribunalit mbi akuzat për krime lufte të kryera nga të dyja palët, gjatë dhe pas luftës në Kosovë. Ndjekja e drejtësisë është një domosdoshmëri humane për viktimat e mizorive në Ballkanin Perëndimor dhe në gjithë botën", ka thënë Krouli.

Të enjten, trupi gjykues ka dënuar me 27 vjet heqje lirie Vllastimir Gjorgjeviqin, për krime kundër njerëzimit dhe krime lufte kundër civilëve kosovarë në vitin 1999.
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)