Washington, 11 nëntor - SHBA-ja u ka bërë thirrje shteteve të BE-së, të rivendosin stabilitetin e tyre financiar.

Kriza në Evropë mbetet sfida më e madhe për rritjen globale, tha ministri i Financave Timothy Geithner gjatë një takimi me homologë të tij të shteteve të Azi-Paqësorit në Havai.

Në një telefonatë me presidentin italian Giorgio Napolitano presidenti amerikan Barack Obama shprehu bindjen se qeveria e ardhshme në Romë do të rivendosë besimin e tregjeve.

Napolitano do të takohet të premten e sotme me ish-komisionerin e BE-së Mario Monti, i cili konsiderohet favorit për postin e kryeministrit. Shefi i fondit për shpëtimin e euros, Klaus Regling, i premtoi Italisë së zhytur thellë në hua ndihmë të shpejtë.

Aktualisht fondi mund të japë deri në 300 miliardë euro kredi, i tha Regling gazetës \"Süddeutsche Zeitung\".