Beograd, 29 tetor - Serbia, e gjendur nën presionin ndërkombëtar për të arrestuar gjeneralin e kohës së luftës Ratko Mlladiç, shtoi sot shumën e shpërblimit për kapjen e tij në 14 milionë dollarë.

Bashkimi Evropian e ka vënë arrestimin e Mlladiçit si kusht për fillimin e bisedimeve të asocimit të Serbisë në BE.

Shpërblimi i mëparshëm i Beogradit për gjeneralin serb ishte 1 presje 4 milionë.

Gjykata e Hagës ka ngritur padi ndaj Mlladiçit për masakrën e vitit 1995 të 8 mijë burrave dhe djemve myslimanë në Srebrenicë dhe rrethimin e Sarajevës nga viti 1992-1995 që la gati 10 mijë të vdekur.