Beograd, 18 shkurt - Dy vjet pas shpalljes së pavarësisë së Kosovës, Serbia paralajmëroi ofensivë të re për të drejtat e serbëve në Kosovë.
 
“Në kuptimin diplomatik beteja për Kosovën ka tre prioritete. I pari është ndërprerja e njohjes së pavarësisë së vetëshpallur, i dyti është ndërprerja e anëtarësimit të Kosovës në organizatat ndërkombëtare dhe prioriteti i tretë është tërheqja e vëmendjes së bashkësisë ndërkombëtare për shkeljen e të drejtave të njeriut”, deklaroi ministri i Punëve të Jashtme i Serbisë, Vuk Jeremiq.
 
Diplomacia serbe konsideron se në dy prioritetet e para ka qenë e suksesshme, meqë dy të tretat e vendeve, ende nuk kanë njohur Kosovën, ndërsa përveç në FMN dhe Bankën Botërore, Kosova nuk u bë anëtare e asnjë bashkësie ndërkombëtare.