Beograd, 29 mars - Serbia nuk e ka mirëpritur paralajmërimin se Gjykata Ndërkombëtare e Drejtësisë do të shtyjë verdiktin rreth pavarësisë së Kosovës.

Ministri i Jashtëm serb, Vuk Jeremiç ka deklaruar se “shtyrja nuk paraqet lajm të mirë për Serbinë, sepse Serbisë i konvenon dhënia sa më parë e këtij mendimi”.

Sipas Jeremiçit, është shumë vështirë të pritet të thuhet se shpallja e pavarësisë së Kosovës është në përputhje me të drejtën ndërkombëtare.

"Nëse kjo ndodh, atëherë asnjë kufi ndërkombëtar nuk do të jetë i sigurt. Do të ketë shumë vende, të cilat, që nga ai moment, do të kenë probleme të mëdha me ruajtjen e tërësisë së tyre territoriale", ka thënë Jeremiç.