Beograd, 8 korrik - Kryeministri i Serbisë, Aleksandër Vuçiç është shprehur se Beogradi është i interesuqar ti rregullojë raportet me Prishtinën.

Mirëpo, ai ka shtuar se njohja e Kosovës nga ana e Serbisë, \"nuk ka qenë asnjëherë temë diskutimi e negociatave në mes Beogradit dhe Prishtinës në Bruksel”.

“Iu kemi përkushtuar zotimeve që i kemi dhënë në lidhje me Prishtinën”, ka thënë Vucic në një intervistë dhënë të përditshmes gjermane “Die Welt”.

Vuçiç ka shtuar se vendimet që janë marrë në Bruksel nuk kanë qenë aspak të lehta ti komunikohen popullit serb.

“I lejova të më ofendonin për kompromiset e bëra nga qeveria e Serbisë”, ka shtuar Vuçiç.

Sa i përket marrëveshjeve të arritura në Bruksel, kreu i qeverisë së Serbisë tha se ata do të zbatohen, por duan kohë të gjejnë zbatim të plotë edhe në terren.