Beograd, 31 maj - Zëvendëskryeministri i parë i Serbisë, Aleksandar Vuçiq, do të takojë sot në Beograd përfaqësuesit e serbëve të veriut të Kosovës.

Vuçiq ka theksuar se do të bisedohet për planin e zbatimit të Marrëveshjes së Brukselit, por edhe për tema të tjera, raportojnë mediat serbe.
 
Serbët e veriut kanë deklaruar disa herë se kundërshtojnë marrëveshjen për normalizimin e marrëdhënieve midis Kosovës dhe Serbisë, si dhe zbatimin e saj.

Pas takimit të fundit me Vuçiqin, i cili është zhvilluar në Kosovë, është thënë se qëndrimet e dy palëve janë përafruar.