Sekretari Kerry nis turneun e tij të parë diplomatik
Sekretari Kerry ka mbërritur në Londër, në fillim të udhëtimit të parë zyrtar jashtë shtetit që nga marrja e postit më të lartë diplomatik të vendit në fillim të këtij muaji.
Sekretari Kerry do të takohet sot me kryeministrin britanik Dvid Cameron dhe sekretarin e jashtëm William Hague para se vazhdojë udhëtimin për në Gjermani, Francë, Itali, Turqi, Egjipt, Arabia Saudite, Emiratet e Bashkuara Arabe dhe Katar.
Departamenti i Shtetit thotë se Siria do të jetë një nga pikat kryesore të diskutimit në takimet e tij me zyrtarë botërorë. Zoti Kerry pritet gjithashtu të takohet me udhëheqësit e Koalicionit të Opozitës Siriane gjatë udhëtimit.
Nga Londra, ai do të shkojë në Berlin dhe më pas në Paris ku do të diskutojë për bashkëpunimin e Uashingtonit me Francën dhe vende të tjera në mbështetje të përpjekjeve për të zgjidhur krizën në Mali.
Ndalesat e tjera do të jenë Roma, Ankaraja dhe Kajro ku Departamenti i Shtetit thotë se Sekretari Kerry do të inkuruajojë për një konsensus më të gjerë politik dhe do të takohet me zyrtarë të Lidhjes Arabe për t’u konsultuar për sfidat e përbashkëta në rajon.
Më pas ai shkon në Riad dhe Abu Dabi, para se të përfundojë udhëtimin me një ndalesë në Doha të Katarit.
