Bruksel, 25 janar - Komisioni Evropian (KE) ka emëruar sot Samuel Zbogarin për Përfaqësues Special të Bashkimit Evropian (BE) në Kosovë.

Zhbogar do të ketë dy funksione në Kosovë, atë të shefit të Zyës së BE-së dhe funksionin për të cilin është emëruar sot, si përfaqësues special i BE-së në Kosovë.

Me rastin e emërimit të tij, përfaqësuesja e lartë e BE-së, Catherine Ashton, ka thënë se pret bashkëpunim të ngushtë me Zhogarin, i cili  sipas saj ka “njohuri të mëdha për rajonin dhe përvojë të gjatë diplomatike”.

Zhogar do të marrë detyrën më 1 shkurt 2012 dhe mandati i tij fillimisht do të vazhdojë deri 30 qershor 2013.