Moskë, 22 qershor - Rusia shpreh edhe një herë hapur qëndrimin e saj në mbështetje të Serbisë në lidhje me çështjet që kanë të bëjnë me Kosovën.

Qëndrimi është rikonfirmuar nga Kryeministri rus, Dmitry Medvedev gjatë bisedimeve në Samitin për Zhvillim në Rio de Janeiro.

Medvedev i ka thënë presidentit serb, Tomislav Nikoliç, se Moska mbështet luftën e Serbisë për \"mbrojtjen e integritetit territorial dhe të drejtave të serbëve në Kosovë\".

Mediat serbe raportojne se presidenti serb e ka falenderuar Rusinë për mbështetjen dhe ka theksuar nevojën e intensifikimit të bashkëpunimit ndërmjet dy vendeve.