Moskë, 30 tetor - Rusia nuk do t’i njohë rezultatet e zgjedhjeve në Kosovë, sepse “Republika e Kosovës nuk ekziston”, ka thënë zëvendësi i udhëheqësit të fraksionit “Rusia e Drejtë” në parlamentin rus.

Zëvendësi, Mihail Jemeljanov, në mbledhjen e parlamentit që do të mbahet më 12 nëntor, pritet të theksojë projektrezolutën e cila “dënon mbajtjen e zgjedhjeve jo legjitime në Kosovë”.

\"Forcat patriotike të Rusisë e kuptojnë se serbët që po luftojnë për integritetin territorial të vendit, po luftojnë edhe për Rusinë \", -ka thënë Jemeljanov gjatë takimit me përfaqësuesit e të ashtuquajturit kuvend i përkohshëm i Kosovës, në Metohi.