New York, 2 gusht - Rusia ka marrë qe nga dje drejtimin e radhës së presidencës të Këshillit të Sigurimit të Kombeve të Bashkuara, ku pritet që axhenda kryesore e kësaj presidence të jetë Kosova.

Gjatë ditës së nesërme, kreu i ri i presidencës, ambasadori i përhershëm rus Vitali Curkin do të zhvillojë takime me kolegët e tij për të diskutuar mbi planin e punës.

Më 3 gusht, Rusia ka kërkuar që të zhvillohet një diskutim i hapur për Kosovën, sigurisht me ndërmjetësimin e Serbisë.

Në këtë seancë do të dëgjohet një raport i shefit të diplomacisë serbe, Vuk Jeremiç, por ende nuk dihet nëse fjalën do ta marrë edhe ministri i Jashtëm i Kosovës.