Moskë, 21 mars - Sipas të dhënave të fundit, në Rusi 306 vetë kanë humbur jetën për shkak të hipotermisë dhe morthit që nga fillimi i ngricave.

Shumica e viktimave është regjistruar në qarkun e Tjumenit - 66 persona, në qarkun e Çeljabinskut - 50 persona, në Burjatia - 26 dhe në qarkun e Altait - 25.

Në Moskë që nga fillimi i motit të ftohtë nga hipotermia dhe morthi kanë vdekur 11 persona, gati 300 të tjerë janë lënduar nga i ftohti.

Gjithsej që nga fillimi i periudhës së ftohtë në Rusi si rezultat i hipotermisë dhe morthit janë lënduar 6900 persona, 3600 prej tyre u desh të hospitalizohen.