Pekin, 22 shkurt - Për popullin kinez, Viti i Ri është i rëndësishëm për bashkimin familjar, ndaj pritet me shpresa të shumta. Por, sipas njoftimeve të fundit, para dhe pas kësaj feste, numri i divorceve ka shënuar rritje të madhe.

Pas analizës së të dhënave statistikore të divorceve në vitet e fundit, korrespondentët e së përditshmes "Fawan" të Pekinit kanë zbuluar se para dhe pas Festës së Pranverës, numri i çifteve të divorcuar është shtuar në mënyrë të dukshme. Pesë ditë pas festës së sivjetshme, gjykatat lokale kanë trajtuar 2.4 herë më shumë kërkesa për divorce.