Bruksel, 4 shtator - Nga tre protagonistët kryesorë të dialogut “teknik“ mes Kosovës dhe Serbisë (apo dialogut “Beograd - Prishtinë“ siç e quan BE-ja) dy tashmë nuk janë formalisht në postin që kanë pasur deri me tash.

Ish-shefi i delegacionit të Serbisë Borko Stefanoviq është deputet në Kuvendin e Serbisë, ndërsa, siç kemi mësuar nga burimet e BE-së, Robet Cooper, tashmë është në pension, shkruan sot “Koha Ditore”.

Diplomati britanik Rober Cooper, i njohur si „lehtësues“ në dialogun e deritashëm mes Kosovës dhe Serbisë, ka dalë në pension dhe nuk punon më formalisht si zyrtar i BE-së.

Është përfolur për ndonjë post të tij në Mianmar (Burma), megjithëse nga burimet e BE-së thuhet se ai është “në pension dhe është larguar nga Brukseli“.