Prishtinë, 6 shkurt - Ambasadori i Gjermanisë në vendin tonë, Ernst Reichel ka dalë me një deklaratë pas aktiviteteve të fundit të Lëvizjes Vetëvendosje lidhur me emërtimin e Kosovës në nismat rajonale.
 
Në deklaratën e ambasadorit gjerman thuhet: “Kampanja më e re e Vetëvendosjes mbi emërtimin “Republika e Kosovës”, e cila thotë se përdorimi i çfarëdo emërtimi tjetër do të ishte në kundërshtim me kushtetutën dhe njëherit tradhëti e lartë, nuk është gjë tjetër veç kopsht politik i fëmijëve.

Në BE, OSBE, OKB dhe në instanca tjera ndërkombëtare delegacioni gjerman zakonisht është i ulur prapa shenjës “Gjermania” dhe jo “Republika Federale e Gjermanisë”.

Kjo sipas ambasadorit gjerman vlenë për shembull edhe për “Republikën e Francës” apo “Mbretërinë e Holandës”, ose pothuajse për të gjitha shtetet. Nuk ka arsye pse kjo të jetë ndryshe në rastin e Kosovës.” thuhet në fund të deklaratës.