Beograd, 23 prill - Partia Radikale Serbe ka gjykuar sot ashpër deklaratën e shefit të ekipit të Beogradit në dialog me Prishtinën, Borko Stefanoviç se “ekipi negociator serb është i gatshëm të bisedojë edhe për ndarjen e Kosovës”.

Sipas vlerësimit të kësaj partie, lideri i së cilës, Vojillav Sheshel gjendet në Hagë, kjo deklaratë “paraqet gatishmëri për njohje të hapur të të ashtuquajturit shtet i Kosovës”.

“Paralajmërojmë regjimin e Boris Tadiçit se deklarata e shefit të ekipit negociues serb paraqet shkelje brutale të Kushtetutës dhe të integritetit territorial të Serbis”, ka vlerësuar Partia Radikale Serbe.