Romë, 15 dhjetor - Protestat e qytetarëve italianë që janë zhvilluar kundër politikave të qeverisë së Italisë kanë rezultuar me përleshje të protestuesve dhe forcave të policisë.

Lajmi është bërë i ditur nga kanali televiziv Press Tv, i cili njoftoi se përleshjet janë zhvilluar ditën e shtunë në Rom, kryeqytetin e Italisë pasi protestuesit i kanë vënë zjarrin koshave të mbeturinave dhe kanë hedhur vezë në drejtim të godinës së Ministrisë së Financave të Italisë.

Me këtë rast, forcat e policisë kanë ndërhy për t’i shpërndarë protestuesit dhe kanë arrestuar 11 persona.

Këto protesta qytetare janë duke u zhvilluar që nga fillimi i javës në shumë qytete të Italisë.

Të pranishmit në këto protesta kanë kundërshtuar masat shtrënguese ekonomike dhe rritjen e tatimeve.