28 Prill 2025

Procesi i revitalizimit të urës është duke u implementuar

Bruksel, 9 shtator - Sot në Bruksel është mbajtur takimi tre palësh i grupit punues mes delegacionit të Republikës së Kosovës kryesuar nga ministrja për Dialog, Edita Tahiri dhe atij të Serbisë me ndërmjetësimin e Bashkimit Evropian për të vlerësuar zbatimin e marrëveshjes për heqjen e barrikadës nga ura mbi lumin Ibër dhe revitalizimin e kësaj ure nga ana e Bashkimit Evropian.

 

Ministrja Tahiri në këtë takim e ka vlerësuar punën e filluar nga ana e Bashkimit Evropian për revitalizimin e kësaj ure më 14 gusht 2016 dhe konsideroi se ky proces u bë fal dialogut të Brukselit të ndërmjetësuar nga ana e BE-së dhe mbështetja e Shteteve të Bashkuara të Amerikës.

 

Në përputhje me konkluzat e marrëveshjes së 25 gusht 2015, procesi i revitalizimit të urës është duke u implementuar ashtu siç është dakorduar dhe palët janë ndarë të kënaqura me dinamiken e deritanishme. Bashkimi Evropian do t’i mbaj të informuar të dy kryetarët e komunave në vazhdimësi përmes Zyrës së BE-së në Kosovë, përkitazi me zhvillimet rreth punimeve mbi urën e lumit Ibër. 

 

Delegacioni i Kosovës ishte në përbërje të Ministres Edita Tahiri, Gazmir Raci, këshilltar politik dhe koordinator politik i çështjes, Arben Çitaku, sekretar i përgjithshëm i Ministrisë së Mjedisit dhe Planifikimit Hapësinor, Rashit Qalaj, shef i operativës në Policinë e Kosovës, Agim Bahtiri, kryetar i komunës së Mitrovicës jugore, Goran Rakiq, kryetar i komunës së Mitrovicës veriore, Elona Cecelia, këshilltare politike e ministres Tahiri dhe Haxhi Bajraktari nga Ambasada e Kosovës në Bruksel.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)