Bruksel, 15 qershor - Komisioni Europian njoftoi se plakja e popullsisë europiane po bëhet gjithnjë e më e dukshme, ku parashikohet se deri në vitin 2020, 1/4 e europianëve do të jenë mbi moshën 60-vjeçare.

Komisioni Europian njoftoi gjithashtu se deri në vitin 2050, numri i personave mbi 65 vjeç do të jetë 50% e numrit të popullsisë së punësuar. Tani, 70% e shpenzimeve mjekësore shkojnë për të moshuarit dhe kjo përqindje pritet të rritet në të ardhmen.

Në një konferencë mbi plakjen e popullatës organizuar në Dublin, komisioneri i BE-së Maire Geoghegan-Quinn theksoi se përparimi shkencor duhet të përdoret si mjeti kryesor përballë kësaj sfide.