Athinë, 24 nëntor - Plani për reduktimin e borxhit grek, i hartuar nga vendet e zonës euro muajin e shkuar është ndoshta “shansi i fundit” për të rindërtuar ekonominë e vendit, njoftoi Banka Qendrore e Greqisë.

“Ky shans i ri që i jepet Greqisë është ndoshta i fundit”, tha Banka Qendrore në një raport mbi politikën monetare, duke shtuar se “vonesa të tjera” ose mosrespektimi i objektivave “duhet të shmangen me të gjitha mënyrat e mundshme”.

“Deri tani, ritmi dhe shkalla e zbatimit të politikave kanë dështuar t’i bindin tregjet dhe opinionin publik se Greqia është në rrugën e realizimit të objektivave të fiksuar”, tha më tej Banka Qendrore.