Kiev, 22 shkurt - Presidenti ukrainas, Viktor Janukoviç, nënshkroi një marrëveshje me përgjegjësit e opozitës, për t’i dhënë fund krizës politike në vend, që shkaktoi rreth 80 të vdekur në tre ditë në Kiev.

Më poshtë vijojnë pikat më të rëndësishme të marrëveshjes:

- Rivendosja e Kushtetutës së vitit 2004:

Brenda 48 orëve pas nënshkrimit të marrëveshjes, një ligj do të miratohet që rivendos Kushtetutën e vitit 2004, por duke marrëmarrasysh edhe amendamentet që janë votuar më pas.

- Qeveri e bashkimit kombëtar:

Nënshkruesit marrin angazhimin për krijimin e një koalicioni dhe të një qeverie të bashkimit kombëtar, brenda 10 ditëve që do të vijojnë vendosjen e Kushtetutës së vitit 2004.

- Reformë kushtetuese:

Puna për krijimin e reformave kushtetuese, që do të vendosë një ekuilibër mes pushtetit të presidentit, qeverisë dhe parlamentit, do të fillojnë menjëherë dhe do të përfundojnë në shtator 2014.

- Zgjedhje presidencaile të parakoshme:

Zgjedhjet presidenciale duhet të mbahen para dhjetorit 2014.

Do të miratohen ligje të reja elektorale.

- Hetim:

Do të kryen hetime mbi dhunën e kryer gjatë manifestimeve nën mbikqyrjen e përbashkët të autoriteteve, të opozitës dhe të Këshillit të Evropës.

- Dhuna dhe pushtimi i rrugëve:

Autoritetet nuk do të vendosin gjendjen e jashtëzakonshme.

Autoritetet dhe opozita do t’i mënjanohen përdorimit të dhunës.

Parlamenti do të miratojë një ligj të ri administrativ.

Të dyja palët do të ndërmarrin një sforcim serioz për rikthimin e normalitetit në qytete dhe fshatëra, me largimin nga godinat administrative dhe publike, si dhe nga rrugët, parqet dhe sheshet.

Armët e shpërndara ilegalisht duhet t’i dorëzohen Ministrisë së Punëve të Brendshme.

Qeveria do të përdorë forcat e rendit vetëm për mbrojtjen e godinave publike.