Londër, 27 prill - Një shkrim skandaloz është botuar nga gazeta britanike "People", që iu referohet shqiptarëve, me titullin "Gangsterat që vrasin për 500 stërlina".

Shkrimi i referohet thënieve të një krimineli të njohur londinez, të quajtur Dejv Kërtni.

Ky i fundit, sipas gazetës, ka thënë, se nëse të vrisje me pagesë një person, dikur kushtonte 15 mijë stërlina, tashmë mund të gjendet lehtë një shqiptar nga Kosova, që ta kryen punën me 500 stërlina.

Pak ditë më parë, ambasadori shqiptar në Londër, Zef Mazi, gjatë një takimi me të rinj kritikoi ashpër mediat britanike, që sipas tij, në asnjë rast, nuk ka shkruar për shqiptarët e suksesshëm, në Britaninë e Madhe.