PE voton sot rezolutën për Shqipërinë e Kosovën
Problemet kryesore për Shqipërinë sipas eurodeputetëve mbeten lufta kundër korrupsionit dhe krimit të organizuar, liria e shtypit dhe gjakmarrja.
Për sa i përket krizës politike, ata i bënë thirrje partive që të zhvillojnë dialog mes tyre dhe të gjejnë një zgjidhje. Stefan Füle, Komisioneri i BE-së për Zgjerimin vuri në pah në fjalën e tij progresin e Shqipërisë në drejtim të procesit për liberalizimin e vizave, por sipas tij duhet të vazhdojë lufta kundër korrupsionit dhe krimit të organizuar.
Sot pritet të miratohet rezoluta e PE për Shqipërinë e cila ka 26 pika.
Përsa i përket projektrezolutës për Kosovën, europarlamentarët deklaruan se mirëpresin njohjen nga të gjitha vendet e BE-së. Ata theksuan rëndësinë e pespektivës evropiane për Kosovën, si pjesë e gjithë rajonit.
Deputetja e Parlamentit Evropian, Ulrike Lunaçek, u bënë thirrje 5 shteteve anëtare të Bashkimit Evropian, që ta njohin pavarësinë e Kosovës.
Debati për Kosovën në selinë e Parlamentit Evropian në Strazburg, ka kaluara në dritën e raportit të deputetes Ulrike Lunacek, që u bënë thirrje 5 shteteve anëtare të BE-së, që ta njohin pavarësinë e Kosovës.
Lunaçek shpreson që sot ky raport të gjej përkrahjen e shumicës së kolegëve për tu miratuar si rezolutë. Në anën tjetër Komisionari për zgjerim i BE-së, Shtefan Fyle, konfirmoi gjatë debatit se Kosova ka perspektivë evropiane si të gjitha vendet e rajonit.
