Washington, 25 qershor - Pakësimi i lindjeve në Evropë, ka shkaktuar shqetësime dhe në lidhje me këtë gazeta Washington Post, shkruante se shtimi i papunësisë në Evropë i ka detyruar shumë familje evropiane të heqin dorë nga lindja e fëmijëve.

Numri i lindjeve në Portugali në vitin 2012, arriti në 89 mijë e 841, që në krahasim me vitin 2008, përbën një rënie prej 14 për qind.

Ekspertët evropianë, theksojnë se rënia e numrit të lindjeve në Evropë, do të bëhet shkak për intensifikimin e procesit të plakjes së popullsisë në shumë vende evropiane dhe kjo padyshim do të ndikojë në rënien e zhvillimit ekonomik të vendeve evropiane.