Bruksel, 8 prill - Deputetja e Parlamentit Evropian, Doris Pack, ka thënë se qeveria e ardhshme e Serbisë, e cila do të udhëhiqet nga Aleksandar Vuçiq, duhet të jetë një ekip i vërtetë, në të cilin të gjithë duhet të kenë qëllimet e njëjta dhe të punojnë për arritjen e tyre.

Duke folur për gazetën serbe Danas, ajo ka theksuar rëndësinë e zbatimit të të gjitha marrëveshjeve të arritura në dialogun e Brukselit me Prishtinën.

Pack ka thënë se negociatat Kosovë-Serbi duhet të përfshijnë të gjitha problemet ekzistuese, për zgjidhjen e të cilave duhet të punohet.