Hagë, 23 korrik - Sekretari i Përgjithshëm i OKB-së, Ban Ki Mun, i bëri sot thirrje Kosovës dhe Serbisë për “dialog kosntruktiv”, pas vendimit të djeshëm të GJND-së.

Numri një i Kombeve të Bashkuara theksoi se është e rëndësishme që palët të mënjanojnë aktet provokuese të cilat do të minonin dialogun.

“OKB-ja inkurajon palët të angazhohen në një dialog konstruktiv”, thuhet mes të tjerash në deklaratën e shpërndarë nga zëdhënësi i sekretarit të Përgjithshëm.

Në deklaratë thuhet gjithashtu se Ban Ki Mun do t’i dorëzojë Asamblesë së Përgjithshme përfundimin e Gjykatës Ndërkombëtare të Drejtësisë për pavarësinë e Kosovës dhe më pas do të vendosen hapat që do të ndërmerren në të ardhmen.