Washington, 8 tetor - Presidenti i Shteteve të Bashkuara, Barack Obama, i ka bërë thirrje Kongresit që të votojë për rihapjen e qeverisë dhe të rrisë kufirin e borxhit menjëherë.

“Besoj fuqishëm se ka vota të mjaftueshme për të kaluar legjislacionin, që mund t’i japë fund mbylljes”, ka thënë Obama gjatë një vizite në Agjencinë për Menaxhimin e Emergjencave Federale, transmeton REL.

Mbyllja e pjesshme e qeverisë së Shteteve të Bashkuara ka nisur mesnatën e 1 tetorit, pasi dy dhomat e Kongresit kanë dështuar të merren vesh për buxhetin e ri.

Ndikimi i mbylljes ka qenë menjëherë i dukshëm në SHBA.

Qindra-mijëra punëtorë “joesencialë” janë pushuar nga puna pa përfituar asnjë pagesë.