Nuland përmend një lloj autonomie për serbët në veri
Nuland në konferencë për media ka thënë se “roli i Serbisë duhet të jetë i tillë që t’ua bëjë me dije qytetarëve të Serbisë dhe serbëve në Kosovë se është koha që kjo çështje të zgjidhet”, transmeton nga Beta.
E pyetur nëse shikon ndonjë rol që mund të luajë Serbia në zgjidhjen e çështjes së serbëve etnikë në veriun e Kosovës, zëdhënësja e Departamentit të Shtetit tha: natyrisht ne shohim një rol për Serbinë që t'ua bëjë të qartë serbëve në veri se ka ardhur koha për zgjidhjen e këtyre çështjeve.
Strukturat paralele dhe çështjet tjera të normalizimit të raporteve ndërmjet Kosovës dhe Serbisë, sipas Nulandit, janë tema në të cilat po punon përfaqësuesja e lartë e BE-së për politikë të jashtme dhe siguri, Catherine Ashton.
“Dëshirojmë që këto çështje të zgjidhet paqësisht të cilat edhe Kosovës edhe Serbisë do t’iu mundësojnë përparim në rrugën drejt BE-së”, ka thënë Nuland.
