Washington, 5 dhjetor - Agjencia e Sigurisë Kombëtare (NSA) e ShBA-së mbledh në ditë rreth 5 miliardë regjistrime të dhënash për vendndodhjen e celularëve në mbarë botën, njoftoi të mërkurën gazeta \"Washington Post\" duke cituar një informacion të fundit të zbuluar nga ish-punonjësi i NSA-së Edward Snowden.

Një menaxher i lartë i mbledhjes së këtyre të dhënave, duke folur në kushte anonimiteti, por me leje nga NSA-ja, i tha gazetës se ata po marrin \"vëllime të mëdha\" të dhënash nga e gjithë bota duke përgjuar në kabllot që lidhin rrjetet celulare në nivel global.

Përveç kësaj, të dhënat mblidhen shpesh nga dhjetëra milionë amerikanë që udhëtojnë çdo vit jashtë vendit me celularët e tyre, njofton \"Washington Post\".