Nikolliq dhe BE bisedojnë për integrimin dhe Kosovën
Tema të takimit ishin rruga evropiane e Serbisë, përparimi në dialogun Beograd – Prishtinë dhe “sfidat e ardhshme me të cilat vendi ballafaqohet në atë rrugë”, ka njoftuar Delegacioni i Bashkimit Evropian në Serbi.
Mëtutje, në njoftim përkujtohet se liderët e BE-së, nga samiti i javës së kaluar, i kanë dërguar Serbisë “porosi të inkurajimit”.
Ky takim është mbajtur me nismën e shefit të Delegacionit të Bashkimit Evropian në Serbi, Vincent Degert, dhe të ambasadorës së Qipros, Nafsike Krusti.
Në kumtesë shpjegohet se shefat e misioneve të vendeve të Bashkimit Evropian rregullisht takohen me presidentin dhe liderët e tjerë të Serbisë “me qëllim të këmbimit të mendimeve dhe stimulimit të bashkëpunimit politik dhe ekonomik”.
