Abuja, 21 maj - Nigeria i kërkoi zyrtarisht Këshillit të Sigurimit të OKB-së të shtonte grupin e armatosur “Boko Haram” në listën e organizatave të konsideruara si terroriste dhe t’i nënshtrohej sanksioneve për shkak të lidhjeve me Al-Kaidën, bënë të ditur të martën disa diplomatë.

Nigeria e depozitoi këtë kërkesë pranë një komiteti sanksionesh kundër Al-Kaidës, që është në varësi të Këshillit.

Vendimi do të mund të hyjë në fuqi pas dy ditësh nëse asnjë nga 15 vendet anëtare të Këshillit nuk paraqet kundërshtime deri në afatin e përcaktuar.

Sanksionet që dekreton Komiteti janë kryesisht bllokime të ardhurash, një embargo në lidhje me armët dhe ndalimin e vizave për të udhëtuar lirisht.