Tiranë, 11  janar - Temperaturat ekstreme të ditëve të fundit, të shoqëruara me reshje bore e ngrica në gjithë vendin, kanë sjellë edhe ngrirjen e disa lumenjve në Shqipëri.

Lumi Fan i Madh ka ngrirë tërësisht, po ashtu sipërfaqe të mëdha të lumit Kir, në Bashkinë Shkodër. Për banorët e zonës kjo është një ngjarje e rrallë, që përsëritet pas 32 vitesh.

Njoftohet se në Lezhë, ujërat e lumit Drin kanë ngrirë, aq sa mbi shtresën e akullit mund të qëndrojnë njerëzit.

Në një pjesë të lumit Osum në Berat, ka nisur formimi i shtresave të akullit, një fenomen ky i pazakontë sipas banorëve të zonës.