Prishtinë, 26 mars - Rikthehet ora verore. Në orën 02:00 të mëngjesit të së dielës, më datë 27 mars akrepat spostohen 60 minuta përpara.

Ndryshimi i akrepave të orës në fund të marsit me 60 minuta para dhe në fund të tetorit me 60 minuta pas, është sistem i unifikuar në të gjithë Europën.

Ndërrimi i orës aplikohet thuajse në të gjitha vendet e industrializuara, përjashto Japoninë.

Gjithashtu nga kjo skemë e matjes së kohës, nuk janë të interesuara as vendet e Afrikës, ndërkohë që edhe Rusia mund të aplikojë mosndryshimin e akrepave, pasi për presidentin Medvedev kjo shkakton stres tek qytetarët.

Ora dimërore parashikohet të rikthehet më 30 tetor.