Bruksel, 29 prill - Hapja e negociatave për MSA-në me Kosovën nuk duhet parë dhe analizuar si njohje e shtetit të Kosovës nga Bashkimi Evropian për anëtarët e saj.

Kështu shkruan Komisioni Evropian në rekomandimin e tij sqarues për të gjithë vendet.

”Duke marrë parasysh dallimet në qëndrimet e shteteve anëtare rreth statusit të Kosovës, vendimi për të hapur negociatat për marrëveshjen e Stabilizim-Asociimit me atë vend, nuk duhet të interpretohet si njohje e Kosovës si shtet nga ana e Bashkimit Evropian, në rastet kur disa shtete nuk e kanë bërë një hap të tillë më parë”, thuhet në rekomandim sqarues të Komisionit Evropian, raportoi KTV-ja.

Ndërsa eurokomisioneri Shtefan Fule, është shprehur optimist se ato nuk do të paraqesin pengesa, pasi që, sipas fjalëve të tij, janë marrë parasysh edhe shqetësimet e tyre.