Prishtinë, 1 gusht - Besimtarët myslimanë, kanë nisur sot muajin e shenjtë të Ramazanit. Për 30 ditë radhazi në mbarë botën, myslimanët nisin ritualin e agjërimit në shenjë përuljeje ndaj Zotit.

Dita e parë e agjërimit ka nisur në Indonezi, vendi me përqindjen më të lartë të besimtarëve myslimanë në botë, ndërkohë Ramazani kremtohet edhe në SHBA dhe në pjesën më të madhe të Lindjes së Mesme.

Edhe myslimanët në Libi kanë festuar nisjen e Ramazanit ndërsa në Iran, agjërimi nis nesër. Gjatë Ramazanit, myslimanët zgjohen kohë më parë se të nisë lutja e parë. Prioritet në orët e para të mëngjesit, është ushqimi, pasi me lindjen e diellit, nis dhe agjërimi.

\"Myslimanët nuk konsumojnë asnjë lloj ushqimi, nuk konsumojnë lëngje të ndryshme dhe as ujë, nuk tymosin duhan dhe nuk kryejnë marrëdhënie seksuale deri në perëndim të diellit, kur agjërimi thyhet me një vakt që quhet \"iftar” .