Vatikan, 4 shtator - Kryeministri i Kosovës, Isa Mustafa, ka deklaruar se jeta dhe vepra e jashtëzakonshme e Shën Terezës ka qenë në shërbim të njerëzimit.

“Jeta dhe vepra e jashtëzakonshme e Shën Terezës në shërbim të njerëzimit, u nderua nga qindra mijëra njerëz të mbledhur në Sheshin e Shën Pjetrit në Vatikan. Shqiptarët tashmë e kanë shenjtoren e tyre, e cila do të vazhdojë të na prijë në përsosjen e vlerave shpirtërore, morale e humane. Bota mbarë e ka simbolin e shenjtë të dashurisë, besimit, humanizmit, vetëmohimit”, ka shkruar Mustafa në profilin e vet në “Facebook”.