Berlin, 2 nëntor - ''Evropa ndodhet përballë vendimeve të vështira, që lidhen me projektbuxhetin e bilancit evropian'', deklaroi Kancelarja gjermane, Angela Merkel.

Ajo theksoi më tej se 'ajo çka po shprehte, nuk ishte një veto përkundrejt bilancit të Bashkimit Evropian dhe se Gjermania ishte më se e vendosur në arritjen e një marrëveshjeje lidhur me çështjen.

"Gjermania do të bëjë gjithçka për të arritur një zgjidhje", deklaroi Merkel në një konferencë të përbashkët shtypi me Kryeministrin irlandez, Enda Kenny, i cili shkoi në Berlin për një vizitë zyrtare.

"Irlanda do të bëjë të njëjtën gjë, më pas do të shqyrtojmë zhvillimin e ngjarjeve. Është shumë herët për një veto dhe nuk do të ndihmojë në arritjen e një zgjidhje", theksoi kancelarja.

"Javën e ardhshme do të zhvilloj bisedime të drejtpërdrejta me David Cameron", shtoi Merkel.