Bruksel, 24 tetor - Sot në Bruksel me ndërmjetësimin e Bashkimit Europian dhe OSCE, mbahet takimi i radhës i Grupit për zgjedhjet mes Kosovës dhe Serbisë.

Në takim pritet të bëhet vlerësimi i procesit zgjedhor për javën e fundit, si dhe do të diskutohen të arriturat e palëve në plotësimin e obligimeve zbatuese.

Delegacioni i Republikës së Kosovës kryesohet  nga zëvendëskryeministrja Edita Tahiri, ndërsa pjesë e tij janë edhe Valdete Daka, Kryetare e Komisionit Qendror Zgjedhor të Republikës së Kosovës dhe kryesuese e grupit, Qemajl Marmullakaj, koordinator i Grupit të zgjedhjeve, Shukri Sylejmani, Kryetar i Panelit Zgjedhor për Ankesa dhe Parashtresa (PZAP) dhe Elona Cecelia, këshilltare politike.