Luksemburg, partia e Juncker-it fiton zgjedhjet
CSV-ja ka marrë 23 nga 60 vendet e parlamentit, tre më pak se në zgjedhjet e kaluara, por duke zënë përsëri vendin e parë. Partia Socialiste e Punëtorëve dhe Partia Demokratike morën secila nga 13 vende.
Ndërkohë, Partia e Gjelbër do të ketë gjashtë vende në parlamentin e ri. Ende është e paqartë nëse CSV-ja do të hyjë në koalicion me ndonjë parti tjetër, apo do të ketë një koalicion të gjerë të tre partive të tjera kundër socialkristianëve.
59-vjeçari Juncker ka qenë kryeministër i Luksemburgut për 18 vjet. Ai është një prej projektuesve të Europës së bashkuar dhe një prej atyre që kanë nxitur aktivisht integrimin europian. Juncker ka qenë gjithashtu edhe presidenti i parë i "Eurogrupit".
Njoftohet se katër partitë kryesore do të fillojnë bisedimet për formimin e kabinentit të hënën.
