Beograd, 19 prill - Pika e 14-të e marrëveshjes, me të cilën Serbia nuk është pajtuar në raundin e nëntë thotë që “Serbia e Kosova mos ta pengojnë njëra-tjetrën në organizatat ndërkombëtare, që përfshinë edhe Kombet e Bashkuara”.

E përditshmja serbe Blic në numrin e së premtes ka publikuar raportin për raundin e ri të dialogut ndërmjet Kosovës dhe Serbisë me titull “Kushti i ri, Kosova në OKB”.

“Qeveria e Serbisë ka marrë draftin e marrëveshjes për të cilin është pajtuar të mërkurën, por në të cilin është ndryshuar pika 14. Një hap i tillë ka zhgënjyer negociatorët serbë”, thuhet në artikull.