Paris, 30 mars - Atraksioni i patejkalueshëm në Paris, Kulla e Eiffelit sot kremton 125 vjetorin kur më 30 mars 1889 inxhinieri Gustav Eiffel përfundoi punimet në këtë pirg metalik të cilin tani brenda një vitit e vizitojnë më shumë se 5,5milionë turistë, transmetojnë medie franceze.

Kulla në vitin 1889 u ndërtua si eksponat për Ekspozitën botërore me rastin 100 vjetorit të Revolucionit francez. Deri në vitin 1930 kulla ka qenë objekti më i lartë në botë, 300 metra pa antenë. 

Kulla e Eiffelit është përuruar më 31 mars 1889 e solemnisht është hapur më 6 maj të atij viti.

Struktura është e përbërë nga 18.038 pjesë hekuri të ndërlidhura me 2,5 milionë gozhdë. Gjatë kohës së ndërtimit, falë masave të sigurisë që i kishte ndërmarrë Eiffel, është vrarë në punë vetëm një punëtor që për atë kohë ka qenë arritje e jashtëzakonshme.

Struktura metalike është e rëndë 7.300 tonë e deri në majë janë 16.665 shkallë.
Çdo shtatë vjet, për shkak të ndryshkut, e gjithë struktura ngjyroset. Kohë pas koha ngjyra i ndryshohet e aktualisht Kulla është me ngjyrë kafeje.

Varësisht nga kushtet atmosferike, maja e Kullës prej vertikales mund të largohet tetë centimetra nga anë e Diellit. Largimi ndodh për shkak të ngrohjes së metalit në anën e Diellit dhe në hije.